الكل مخطئون . .
من عطل القانون و أعمل العصي مخطئون . .
من يخرق القانون و يزرع الحريق . . مخطئون
* * * * *
من غيب العقول . .
ليفكر الصراخ . .
من أخرس الحقائق كلها . .
كي ينطق الجنون . .
الكل مخطئون . .
* * * *
من يمسك المذياع . . ليردد الخداع
من اجل حفنة من النقود . . مخطئون . .
* * * *
من سلط الأضواء . . على مواطن العفن . .
وقال هذا موطن الطهارة . . مخطئون . .
* * * *
من سخروا الأموال . . بالليل و النهار . . يصرخون . .
فلتخرجوا الغلاة من ظهروكم فإنهم . .
في بلادنا يتطهرون
و إنهم يطهرون.
الكل مخطئون
[ رحاب صبري ]
أنا ما أقبلش أكون مارونيت . .
بيتحرك . . و يتفاعل و يتكلم . . بصفحة في نت . .
بإعلامي و نخبوي كذاب ..
و طول عمري في كدبه ما شفت . .
أنا ماقبلش أكون مارونت
بيتنرفز . . مع صورة (مأدوبها ) مصمم فت . .
وبيزعق مع زعيقهم . .
في مقطع . . نصه متفبرك و نصه زفت . .
فأخرج . . زي ما خرجوا . . عشان في الشات يقولوا خرجت . .
ولا عارف و لا فاهم . . صراخ و خلاص . .وواد أو بت
ماهيش فارقه . .
أكون وطني بكتر صراخي و عويلي . .
و أجرر صاحبي و زميلي . .
علشان ما يسيلوا دماهم . .
و ييجي اللي ورا الشاشة . .
يتاجر بيها و نزولي . .
و أقول بعد الدما الجارية . .
علشان الدم أديني نزلت . .
و ياللا انزلوا معايا . . علشان الدم و يايا . .
و أنزل تاني من تاني . .
و تانيين ينزلوا معايا . .
و ييجي المجرم الثاني . .
ورا الشاشة . .
و يحصد جرح أشجاني . .
و بينا و بالدما يتاجر . . في حلمي و حلمنا . . "الفاجر" . .
و انا و هما . .
تحركنا . . تقومنا . . تقعدنا . . تبكينا . .
تخلينا . .
بصدق نضحي بدمانا . .
صور متأدوبة ع الفت. .
و مقطع فيديو متفبرك . .
و صفحة من بعيد ع النت .
[ رحاب صبري ]
كيف تصبح مقدم توك شو ناجح ؟
1- استضيف ضيف سلفي و معه أربع أو خمس ضيوف كلهم غير موضوعيين و معادين للتيار السلفي .
2- خلي الحلقة كلها حوار حول السلفيين و دايماً خليك موضوعي ( موضوعي يعني مركز في الموضوع ,و هو الهجوم على السلفية )
3- هاجم انت و الضيوف الضيف السلفي , و خلي كل واحد يسأله 10 أسئلة في عشر دقايق ( 10 × 4 = 40 سؤال + 10 أسئلة بتوعك انت ) , لاحظ كل ضيف 10 دقايق و انت زيهم .
مع الحرص على إن إجابة السؤال الواحد من هذه الأسئلة لازم تكون بتحتاج ساعة شرح من الضيف السلفي ( يعني المسكين حايحتاج 50 ساعة للإجابة على كل إسئلتكم ) و اديله 10 دقايق للإجابة و تبقى انت كده بتدي كل ضيف عشر دقايق , فالناس تقول ده العدل .
4- أول ما يبدا يجاوب لازم تقاطعه انت و الضيوف الثانيين بحيث تاخدو بمقاطعكم من زمن العشر دقايق بتوعه خمس داقيق مقاطعة .
5- دايماً اتكلموا في الثلاثية الإعلامية المصرية ( الخمور + المايوه + الأقباط ) .
6- اختم الحلقة بابتسامة عريضة جداً , و حاول ما يبانش إنها صفرا ( ممكن تلون وشك بطماطم و لا حاجة ).
و بكده تبقى كده قدمت أوراق اعتمادك كمذيع ناجح في برامج التوك ( شوز ) المصرية :))
