تويتريات . . تعليق على أسماء محفوظ و ستة أبريل

AsmaaMahfouz
محتاجين نفتح نقاش بجد ... ازاي في ظل حكم العسكر وفي ظل وجود نفس الاعلام المضلل ووجود قوانين مسخرة زي دي .. نشارك في الانتخابات؟؟

أسماء محفوظ على تويتر

 ـــــــــــــــــــــــــــــــــــــــــــــــــــــ

تعليقي

  ده كلام أسماء محفوظ على تويتر . . عرفتوا بقى قيادات ستة أبريل عايزة إيه . . باكرر . . قيادات و ليس 6 ابريل المليئة بالشرفاء الغيورين على الوطن كما أحسبهم و لا أزكيهم على الله . . القيادات اللي زي أحمد ماهر الموظف لدى ممدوح حمزة صهر أسامة الغزالي حرب . . و الذي دعا المجلس لإطالة الفترة الانتقالية

يعملوا ضغط على المجلس و مسيرات نحو وزارة الدفاع زي مسيرة العباسية , و هتافات شديدة العدائية ضده , في الوقت اللي كان فيه المجلس لم يبد منه اي نية لاطالة الفترة الانتقالية , الكلام ده من شهور , فيحسسوه بالخطر إنه يسلم السلطة و إلا حايكون معرض لاضطهاد الثوار و المحاكمات . . مما يدفعه لمراجعة الإسراع في تسليم السلطة ألف مرة .

و كمان يعملوا تحركات ذت دوافع شريفة يتخللها ظهور بعض التجاوزات التي تكون عادة مجهولة الهوية و تنسب لبلطجية فيهيئوا الفرصة لمد قانون الطوارئ و بعدين يقولوا إزاي تتعمل انتخابات في الجو ده . .

بالتالي يتحقق لهم و لمن وراءهم من الرافضين للمشروع افسلامي إقصاء الإسلاميين عن الوصول لصنع القرار أو وضع دستور يضع الشريعة الإسلامية كأرقى نظام تشريعي في سدة الحكم . . لأن هذا المشروع يهدد بفضح عوار التشريع الغربي . . و بيان ضحالته و نقص عدالته مقارنة بالشريعة الإسلامية . .

و كل ده نفهم منه ليه أسماء محفوظ رشحت لجائزة نوبل التي تمنحها الصهيونية العالمية لمن يرجى لهم أن يكونوا نموذجاً يحتذى به 

على فكرة . . مش باتهم أسماء إنها فاهمة بتعمل إيه . . لكن للأسف هي جزء في منظومة . . بتتحرك مع حركتها . . و في الخلفية أياد تمسك الخيوط . . بس أصحاب الأيادي دي بقى . . فاهمين بيعملوا إيه .